احـــلى الاشـــعار
1-
خـل روحـــك إبعِـز دوم بالك تذلها
ولا تطلب الحاجــات إلاٌ من أهلهــا
2-
لاتسأل إعله الحال خلـيها سكته
تسأل على المكتول والكاتل إنته
3-
شحجي وتريد الناس من عندي أحجي
دمعتي إبطرف العين بس أحجي أبجي
4-
لانفع نصحي أوياك لانفع لــــومي
أنا ادري مامحضوض راح ابقى دومي
5-
الدنيه للتهواه ترقص امفرعــه
والماتريده بنوح لو خلص دمعه
6-
همــك .. وهم الناس .. وهم هم الأيـام
وفوكــاها هم العين ماتقبل إتنـــــام
7-
بالك تقول الاه ياخويا بـــالك
كل التقوله ايصير روحي ابدالك
8-
سبحانه من سـواك نص وجهك إعيــون
إزغيــر سبيــت الناس من تكبر شلون
9-
سـلـم ولَو بالعين تكفي الإشــــاره
روحي إبتلت بهواك .. سـويلي جـاره
10-
شمـاتي مو شـمات شمـاتي شمات
بالكًًبر ويسألـون حي بعده لو مـات
11-
سبحان امن خلاك تقسي ابغرامك
جانك اتداوي اجروح رقت كلامك
12-
حـط باللبن تيــزاب مجبـور أشربـه
بس لا أشوفك يوم تمشي وي غربـــه
13-
يسألني البطران اعربلي كان
حسباله مثل العام عقلي بمكانة
14-
يالردت عني اتروح خليلي صبرين
واحد يصبر الروح والثاني للعـــين
15-
اقعد ابتالي الليل وادعي ابصلاتي
ياربي بعد افلان شلي ابحيــــــاتي
16-
كون انه اصير عيون وابجي على خدك
حتى انت تعرف زين ياهــو ليودك
17-
انت اول الحلـــوين ما تصير الكل
حتى المروره البيك هم حلوه تكتل
18-
بالحلم جنك جــيت من ذاك الغياب
كبل ايدي شفت الروح فتحتلك الباب
19-همك وهم الناس وهم هم الهموم
لو وحده منهن بـــيك ماتكدر تـــكوم
20-
هم الليالي تعود واتعاتب وياك
احجايه للشمات خلاني فركاك
21-
ملهوفة هاية الروح محرومة يهواي
تاركها تعطيش ليش وبشفتك الماي
22-
كون الكلب بيه رام مانمت مجروح
حتى أفتح أبلوتوث وارسلك الروح
23-
مجبور ادوس ارقام تجبـــرني ايدي
كلبي اريد اخلصه عليك مو بس رصيدي
24-
الخوه مو بالكـــــثر الخـــوه رفعــــت راس
ابراهيم اخوته اثنعش وحسين بس عباس
25-
لو كلبي خان وياك مره بمحبـــــته
ازرعله ست عبوات واشلع صفحته
******
نثرت دموعي للاسمر والاكحل
وصبغ وجانتي على خدودي ولك حل
صدكني سهل انت ولك حل
احلك لو ترد انت علية
على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه
قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية
باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية
هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه
حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية
الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه
انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه
عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه
يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه
تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه
تلوعنة وشفنه كل حلاوتهم ومرهم
والروح تمشي على طوعهم وأمرهم
حبيبي دوه لجروحي ومرهم
تمنيته يجي ويحن عليه
همت وانسلب عكلي وزاد مرضاي
على المر ماشفت شخصة مر ضاي
لون بات الترف بحشاي مرضاي
لكه اكرب يهل مبعد علية
بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية
لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف وهاي هيــــه
سماح اطلب انا المنكم وهدنــــه
كمش بيد التعورنه وهدنــــــــه
جبل راكَع خجل جيتك وهدنـــــــه
اصير اتراب ونته اسحكَ عليه
وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه
وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه
عجب خلخال ساكك مايرنش
جبح ودموع عينك مايرنش
يرن منك مصايب مايرنش
كرهتك لوحياة تصير اليه
تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه
روحي من الهجر عجزت ولابت
حلفت بدار ماأنزل ولا بيت
ذكرك مابقى ب***ي ولا بد
انكطعت من كطعت الوصل بية
تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.
وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه
الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه
احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية
حبيبي اليوم مابين ومايه
وبهجره نشف دم الكلب ومايه
جبتله نانسي واصاله ومايه
وطلع يدور هيفا وهبي عليه
سابيني بجمـــاله اوطول شعره
انا اموت من اسمع ابيات شعره
انا بيني وبين المـــوت شعره
حبيبي اشوكت تلــــــحك عليه
احبـــك حب مــاينــوصف وصفه
وحبي الــك مثل الــذهب وصفه
مريض اني ودكتوري وصفلي وصفه
اخدودك الشفايف صيدلـيه
ابزمن من هالبلاء اخصب وهد من (وعهد من)
هاجر من مصايبكم وهدمن
الصواريخ بمنازلنا وهدمن
بيوت وذبحن من غير سيه
بعدني ألف وسفه الوقت عنك بعدني
أموت و أرتجي وصـــــــلك بعدني
و تراني عالعهد باقـــــي بعدني
تراك أنت النظـــــر والحيل بيه
اجيت امشي بتوالي اليل واسعة
على ام الشعرالطويل وعيون وسعة
ياحافر قبر لهواي بالله عليك وسعة
اريد اني وحبيبي نندفن بي سوية
يا ناس باعو لعلتي وورمهة
جبير وما اضن يهدأ ورمهة
احبهة من جانت تمشي ورمهة
وهي تحبني من جانو يلومون بيه
